«ՎԻԼԼԱ ՄՈՆՏԵՍՍՈՐԻ» ԵՐԵԽԱՅԻ ՆԵՐՈՒԺԸ ԶԱՐԳԱՑՆՈՂ ԿԵՆՏՐՈՆ

Մինչև 3 տարեկանների միջավայրում ամեն ինչ այնպես է կազմակերպված, որ երեխան ազատ է և չի կարող վնասել ինքն իրեն: Ամեն ինչ հարմարեցված է երեխայի ինքնուրույն գործունեության համար: Նա կարող է ազատ և ապահով տեղաշարժվել միջավայրում, խաղալ և զարգանալ իր տարիքին համապատասխան դիդակտիկ նյութերով: Մոնտեսսորի միջավայրը լիովին հնարավորություն է տալիս երեխային իրագործել իր բոլոր զգայուն ժամանակաշրջանների զարգացումը` հաշվի առնելով նրա անհատական տեմպը: Երեխան կարող է զբաղվել ընտրված նյութով այնքան, որքան նրան անհրաժեշտ է:

Մոնտեսսորի 3-ից 6 տարեկանի միջավայրը բաժանված է թեմատիկ գոտիների ըստ հետազոտությունների և հետաքրքրությունների։ Ունի հստակ կառուցվածքային տրամաբանություն. ներառում է բոլոր անհրաժեշտ նյութերը այդ տարիքի երեխաների կարիքներին համապատասխան։ 3-ից 6 տարեկան երեխաները սկսում են կարդալ և գրել, զգալիորեն մեծանում է բառապաշարը, սովորում են լուծել խնդիրներ, ուսումնասիրում են աշխարհի կառուցվածքն իրենց շուրջ և շարունակում են կլանել գիտելիքները շրջապատող աշխարհից։

Այստեղից սկսվում է ճանապարհը դեպի գիտելիքների աշխարհ։ Մեր կենտրոնում հնարավորություններն ու կրթական որակը միավորվել են` ստեղծելու ապագայի քաղաքացուն: Մենք առաջնորդվում ենք կրթության բարձր չափանիշներով, որում մեծ դեր է խաղում մեր որդեգրած մեթոդաբանությունը։ Մեր բանիմաց մանկավարժներն երաշխավորում են աշակերտների սերն ուսման հանդեպ, դասերի լիարժեք պատրաստվածությունը, առաջադիմության բարձրացումը։