<<Վիլլա Մոնտեսսորի>>կենտրոն
«Վիլլա Մոնտեսսորի» կենտրոնի կառուցումը նախագծվել է փորձառու Մոնտեսսորի-ուսուցիչների եւ պրոֆեսիոնալ ինտերիեր դիզայներների համատեղ աշխատանքի շնորհիվ: Մեր նպատակն էր ստեղծել ջերմությամբ եւ լույսով լցված վայր, որտեղ ամեն ինչ նպաստում է երեխայի զարգացմանը `անվտանգ եւ հարմարավետ միջավայրում: Շենքն ունի պանորամային պատուհաններ, որոնք ապահովում են բնական լուսավորություն, ինչն անհրաժեշտ է երեխաների զարգացման, բնականոն աճի և Մոնտեսսորի նյութերի հետ աշխատելու համար: Ինժիներական համակարգերը ճշգրտորեն կարգավորում են ջերմաստիճանը, պահպանելով այն 22-24C- ում եւ խոնավությունը 50%-ով: Շենքը կառուցելիս օգտագործվել են միայն բնական նյութեր, քարերից՝ տրավերտին, հայկական բազալտ, տուֆ, վինիլային հատակ, փայտե դռներ, բարձրորակ սալիկներ։ Կենտրոնի բոլոր սենյակներում կա տաք հատակ ինչը նշանակում է, որ երեխաները կարող են ազատ խաղալ հատակին: Շրջակա միջավայրը անվտանգ է, չկան երեխաներին հասու վարդակներ եւ լարեր: Մոնտեսսորի մեթոդում մեծ ուշադրություն է հատկացվում աշխարհի գիտական ուսումնասիրությանը:Մեր կենտրոնի բակում կա տարածք` աճող բանջարեղենների, ծաղիկների եւ բույսերի համար:Այս ամենը երեխաներին պատկերացում է տալիս բնության փոխկապակցված գործընթացների մասին:
Հենց սկզբից շենքն այնպես է նախագծվել, որ համապատասխանի երեխաների հասակին: Մենք ունենք փոքրիկներին հասանելի ցածր լվացարաններ, զուգարաններ, աթոռներ, սեղաններ ,որոնք թույլ են տալիս բոլոր գործողությունները կատարել ինքնուրույն: Կենտրոնի յուրաքանչյուր հարկում կա Հիմալայան աղի պատ, որն ախտահանում է օդը: «Վիլլա Մոնտեսսորի» կենտրոնի նախահարկում խոհանոցն է` համալրված բարձրակարգ տեխնիկայով և երեխաների համար նախատեսված ճաշասենյակով: Հաճելի մթնոլորտը, հանգիստ գունային լուծումները, ինչպես նաեւ ակվարիումը նպաստում են լավ ախորժակի եւ բացառապես առողջ սննդի ընդունմանը: Նույն հարկում է գտնվում նաև ժամանակակից մարզադահլիճը, որտեղ երեխաները կարող են զբաղվել մարմնամարզությամբ, ձյուդոյով և /կամ պարով: Կենտրոնի առաջին հարկը նախատեսված է <<Մոնտեսսորի 3-6>> տարեկան երեխաների համար: Տարածքը բաժանված է թեմատիկ գոտիների ըստ հետազոտությունների և հետաքրքրությունների, միջավայրը հագեցած է մի շարք նյութերով, որոնք զարգացնում են երեխայի ներուժը` նրան դարձնելով ինքնավստահ և ինքնուրույն:
Երկրորդ հարկը նախատեսված է <<Թոդդլեր>> խմբի համար, որտեղ կան բոլոր անհրաժեշտ Մոնտեսսորի-նյութերը, որոնք նպաստում են երեխայի զարգացմանը՝ կյանքի առաջին տարիներին: Երրորդ հարկում գտնվում է դասապատրաստման կենտրոնը,որտեղ 1-ից մինչև 9-րդ դասարանների աշակերտները կկարողանան ամրապնդել դպրոցում ստացած գիտելիքները, ինչպես նաեւ ուսումնասիրել առանձին առարկաներ, ինչպիսիք են լեզուները, մաթեմատիկան, շախմատը: Այս հարկում է գտնվում նաև հանգստի սենյակը, որը համալրված է համակարգիչներով եւ գրադարանով: Ընտրելով երեխաներին հասանելի և արդյունավետ մեթոդաբանությունը մենք վստահ ենք,որ նրանք այստեղ շատ երջանիկ են:
